Casa Niño A Croa

É un espazo educativo de atención á infancia, de idades comprendidas entre os 3 meses e os 3 anos, mediante o cal se facilita a conciliación entre a vida persoal, familiar e laboral. Comprende a atención específica das necesidades básicas de alimentación, hixiene e descanso de acordo coas idades das crianzas e a contribución ao seu desenvolvemento físico, motor, afectivo, intelectual e social.


Ten un máximo de cinco prazas, facéndoa así de carácter acolledor, permitindo que as crianzas nos seus primeiros anos de vida, poidan desfrutar dun espazo máis familiar e dunha atención máis individualizada.

No día a día na casa niño, ten relevante importancia o xogo libre. Para iso contamos cun espazo dotado de distintos materiais para que as crianzas participen en experiencias significativas, cun ambiente que faga posible a construción das primeiras aprendizaxes de identidade e autonomía persoal, de relación co contorno e de comunicación social, sempre en estreita colaboración coas familias.

É un proxecto con carácter gratuíto na modalidade de atención diúrna de luns a venres, de 9 horas a 17 horas, subvencionado pola Xunta de Galicia e a Unión Europea.

Este proxecto nace de moita ilusión, de moitas ganas e de moitísimo esforzo e con esta frase quero rematar: “O home non se desenvolve na universidade, senón que inicia o seu desenvolvemento mental a partir do nacemento, e efectúao coa maior intensidade nos tres primeiros anos de vida”.
María Montessori, 1986

TARXETA DE VISITA

tarxeta-visita.jpg

FOTOS AULA

aula-zona-gateo_0.jpg

Zona de Gateo

aula-recanto-sensorial.jpg

Recanto Sensorial

aula-sala-descanso_0.jpg

Sala de Descanso

FOTOS ALUMNOS

Durante todo o curso, foméntase o xogo libre e realízanse actividades que permitan a exploración e fomenten a imaxinación dos nenos e nenas mediante estas. 

actividade-follas-outono.jpg

Actividade con follas durante o outono

saida-recoller-follas.jpg

Saída a recoller follas

encendido-luces-arbore-nadal_0.jpg

Encendido de luces da nosa árbore de nadal

provocacion-cunchas-veran.jpg

Provocación con cunhas no verán

E por último, esta son eu, a acompañante dos nenos e nenas que acuden día a día a casa niño.

azurine-moral-alvite.jpg

Azurine Moral Alvite
04 - Agosto - 1990
Grao en maxisterio en Educación Infantil, campus de Lugo. USC.

“Acompañante na casa niño e aprendiz día a día”.